Weihnacht´n is a richtige Plag´

Weihnacht´n is wia i oiweu sog
im Grund genommen a richtige Plag´
do Gott sei Dank is nur amoi im Joa
sunst wars net zum vakroftn des is kloar

mia wird scho schlecht wenn ich dran denke
des Gerangel um die Geschenke

de Leit de rennan wia von Sinnen
ois gäb´s do was Gott wos zu g´winnen

sie kaufen ein, kriang nie genug
und wundan sie dann üban Banküberzug

o apropos Göd do foit ma ein
i soitat do im Plus no sein
doch wia so oft es trügt der Schein

drum liabe Bank hätt´ i a Bitt´
gib ma no heite an Kredit



wast eh i brauch eam für Geschenke
Weu i sunst meine Lieben kränke
Sie gfrein sie do scho´s ganze Joa
Auf tolle Geschenke is doch kloar

zwoa kaun i mas net wirklich leist´n
des is hoit so wia bei de meist´n

Drum brauch i unbedingt den Kredit
des Göd des nimm i jetzt glei mit

Ob is zruckzoin kann des was i net
A Vurschlag von mia wias vielleicht geht

I hättat gern dass mas so richten
und wia bei die Griechen auf´s Göd verzichten
i was, die Hoffnung stirbt zuletzt
drum gib man den Kredit glei jetzt

und wisst´s wos - ans des is scho heia fix
ab nächstes Joa do schenk i nix

Copyright Sylvia Seidl 2012


(c) Sylvia Seidl