Die neusten Gedichte



Da SEX - Skandal ! !

Ols klana Baua schaut ma bled, wos imma sou in d´ Zeitung steht

es gabat koan perfekten Menschen, den ma mog, ohne zan tschentschen

Besonders in de feinan Kreisen, dei wos die gounze Wölt bereisen

dei berühmt san und bekounnt und üppig "flirten" umanound

dei die Partner wechseln oft im Nu

oba jamman, schimpfen, "MeToo, MeToo"

Is Bäuerlein denkt noch und schluckt, wos do die Zeitung wieda druckt

is dos vielleicht a neies Spül, wous oan hoaß wiad oda schwül

Ma liest dos sou rabiate Männa, si net oundas hölfen kenna

und nehman sich oft mit Gewolt, monches Weib dos eana gfollt

Dos nennt ma an Sexskandal !

( isas vielleicht a Übarest van Sündnfall ? )

Natürli san sou Männa schlecht, wounns eigsperrt wean gschiacht eana recht

Sie hobm koa guate reine Tugend

und mißbrauchn unsre Jugend

besounders junge fesche Madln, mit Figur und dicke Wadln

wounns oft sou hülflous und allan und fia eana a leichte Beute san ...

 

Die Bibel schreibt: Frauen sollten treten, krotzen, schrein

und wia a Furie sich befrein !

Die Medien berichten, zum xten Male

üba widaliche Sex-Skandale

Klane Kinda san dos Opfa, van zuckasiaßn Sprücheklopfer

dos san frei feine Männa - sou Pädophile

dei treim schmerzbetonte Liebesspiele

Mounche gengan do zu weit, und mehren schwaa sou Kindaleid

Die Zeitung schreibt : die Pornowelle

vabreitat si auf olle Fälle

Im eignan Haus gibt´s schou Inzest, es nimmt schou zua olls wia die Pest

Jo, die häusliche Gewolt - is orme Opfa übafollt

besonders schwoche Ehefrauen, wean vom Partner oft vahauen

goa getreten, vergewoltigt, die Schmerzen san goa mannigfoltig ...

Mounche Männa san satanisch und die Frauen flüchten panisch

oftmols kammats bis zan Mord dos trifft die Restfamilie hoat

Sou liest mas holt in ana Tour, is dos die christliche Kultur ?

Jedenfolls in Teifl gfreits, "er" is die Ursoch ollen Leids

er brachte Sünde in die Wölt, und di Gier noch "schnöllem Göld"

er wüll net doss di Leute hörn, wounn da Herrgott uns mecht belehrn

er wor imma schou gegn Gottes Gebote

er soummelt liaba sou geistig Tote

er mecht mit seine Raubersgschichtn

und Legenden oll´ vanichtn

Und di Mehrheit follt drauf rein, echte Christn miaßn Wochsoum sein

"Klammert euch an Gottes Wort", schreibm di Apostel in an fort

und woundelt weita in da Liebe

und bleibts fern dem Wöltgetriebe ...

 

Da Herrgott lehrt uns jo zu unsan Nutzen

bei da Propaganda miaß ma stutzen

und bei da Werbung souwieso, dei luxn uns di letzten Euro o

A Bäuerlein kaft, dos is gwiß -  nur wos am Hof recht nouti is

Oan Skandal in mouncha Zeitung

find I, is der schönan Frauen Aufbereitung

ob schwoaz, ob blound, ob braun

ma mog den Augen neama traun

wounn am Hof da Hahn recht gackert

san die Schönan rundum nackert

heit tan di Fraun mit eanare Reizen

nimma mehr wia früha geizen

heit is sou, doss di oame Haut, wounn guat bezohlt,si vül mehr traut

Nua wern  mounche Männa total varuckt

wounn a si ins Büld vaguckt

Da ormi Pforra mit sein Zölibat

mocht Zeitung zua und kraht und kraht

er liest den Römerbrief , Kapitel eins

und moant - "dos olles is net meins" ...

Drum schreibt die Bibel, es waa bessa

ma heirat brav - rennt net ins Messa

Stott in Leidenschoft entbrannt zu werden

sull ma inda Ehe, glücklich sein, auf Erden

Da Schöpfa hot uns männlich, weiblich gschoffn

hobts eich gern und tuats guat schlofn

und mochts nua nia an Ehebruch, aa d´ Hurarei steht unta Fluch

Seids imma treu und holts stets zsoumman

sou solls sei, bei ollen Froumman

und wounn bold Gottes Reich regiert, is Ehelebm wonnig wiad

und eire Kinda jubeln laut, wounns ewige Leben owa schaut

Da Herrgott hots seinen Freunden fix vasprochn

ER hot sein Schwur noch nia gebrochn .....

Gelesen: 10   
Teilen ausdrücklich erwünscht!

AUTOR:

Bin nur ein kleines Bäuerlein
schreib´nicht über mich - nein, nein, nein.
Ich schreibe nur über Gott und die Welt,
weils den Leuten so gefällt.


ÄHNLICHE GEDICHTE







SCHREIBE EINEN KOMMENTAR

mind. 20 Zeichen

Login

Noch keinen Account? Melde Dich hier an!
Passwort vergessen?

Meist Gelesene Gedichte

1883+
Das Versprechen

1068+
Frühling

714+
Für eine schöne Frau

555+
Nachbars Kirschen

520+
Wir Kinder vom Hof

515+
Grünkohl

364+
Der kleine Teppichklopfer

347+
Winter

339+
FRAG MICH NICHT

310+
Zwei glückliche Marienkä...


- Gedichte Monat

1+
Tiergedicht


- Gedichte Jahr

Es gibt noch keine Bewertungen in der Kategorie: Gedicht


Neusten Kommentare

bei "Vater Rhein"

bei "Der alte Meyer"

bei "Vater Rhein"

bei "Vater Rhein"

bei "Der alte Meyer"

bei "Vogelpark Walsrode"

bei "Erinnerungen an 1947"

bei "Durch das Jahr"


Herzlich Willkommen!











Zufallsgedichte




Landleben Lachen Honig Küste Krimi Klassentreffen Kreativität Körper Klima Leben Kraft Kröte Jagd Kummer Klarheit Lesen Lärm Lebenssturm Krebs Lenz Lebensreise Kunst Lebensweg Kumpel Laub Künstler Klopapier Krank Leidenschaft Kommunikation Länge Krieg Landwirt Krippe Lebensfreude Königin Kuss Leid Laune Klimawandel