Wosch Du Dir Gunscht erwärbe,
muesch eifach nume schtärbe.
Drei Tag wird vo Dir gredt,
am Vierte git`z e Grebt.

Jetz chöme sie i Schare,
cho z`loufe u cho z`fahre,
e letschte Blick zerhaschte,
vo Dir im brune Chaschte.

E Sarg würkt gäng chly blutt u gyt,
drum bringt me Blueme mit.
Es het se nüt la röie,
ou wes Di nümm cha fröie.

Zum Zeiche vo dr Truur,
luegt mänge ä chly suur,
u brichtet liecht verdrückt,
vo öppis wo sich schmückt.

Aues bättet no bim Grab.
Dr Pfarrer gheit no chly Härd uf die Vergänglechkeit,
bevor är Amen seit.
Ir Chiuche chaisch jetz Ohre,
wie vieu me heig verlore;

E Lücke sigi grisse,
Me wärd Di hert vermisse.

Di Läbeslouf isch dranne,
ganz ohni - Diner Panne.
Me rüehmt u lobt u nickt u bückt.
So wirsch Du i Himmu glüpft.

Zum Schluss louft aus i d`Tanne,
vom schtieu sy ga entspanne,
u d`Glägeheit z`erfasse,
paar auti Fründe z`träffe u villich no eis z`jasse.

Daheim wird de brichtet,
dr Hess mach Wybergschichte,
dr Schroter heig dr Fritz erwütscht
u Miggu sig it Beitz etwüscht-!!!

(c) unbekannt