Du sollt Gott deinen Herrn lieben, von ganzem Herzen und deinen Nächsten wie dich selbst!

Mir sy hie uf Ärde nume Gescht,
da dra gloube mir ganz fescht.
Mache mir üs o geng vieu z`vieu Sorge,
was isch hüt? U was isch de morge?

Sötte mir vieu mee da dra dänke,
anderi Mönsche z`liebe u z`beschänke.
S`isch zwar gar nid jede lieb u nätt,
doch hinger nache chaisch de säge, wenn ig nume hätt!

Ä Jede isch vo Gott äs Gschöpf,
trage sy Hose oder Röck.
U ou wett mängisch hesch so nüt z`lache,
wieu sy eim gar grüüsli Müeh u Chummer mache;

de söue mir ja geng u geng ume vergää...
mir dörfe Chraft ane gueti Queue ga nää.
Mir wie doch gueti Spure hinger laa...
wemer einisch si, de nümme daa.

Stöö mir de eis vor dr Himmus-pforte,
wärde mir de träffe ä hufe Sorte;
vo Lüüt u Mönsche jeder Rasse,
vor ganze Wäut,u us aune Gasse.

Wie stöö mir de daa?
We mir üs nid a di 10 Gebot hei gha.
Darum müesse mir üs geng ume überwinde,
für bösi Mönsche z`bätte,
use so a Himmu z`binde!

Nur so chöi mir ou säuber glücklech wärde;
u hei dr Himmu scho itz uf dere Ärde!



(c) Regula Müller