STEIRERBLUAT
*Steirabluat*
(Dialekt II)
Des letzte Moi da hat’s geheißen,
i soll ma dichterisch nix scheissen
und öfter moi in Mundoart schreibm,
wal imma Hochdeitsch is zum Speibm.
Na gust, dann bin i holt so frei
und schreibs Gedichterl ollawei,
so wia mas spricht in unserm Land,
und gib dem Reim a steirisch Gwandt.
Ma muass net nur des Brauchtum pflegn,
na a die Sproch derf net vergehn.
Es werd sein Grund hom, dass die Leit
Dialekte hom seit ewger Zeit.
Wal nix is mehr so hoamatlich,
ois wenn ma so wiad Oma spricht.
Ma Wörta nimmt, di ma holt kennt,
und ois wia mas gwohnt benennt.
So wia ollwei ma hot gsogt,
ma hot beim Redn sie net plogt
und afoch aussalossn ois,
wias an holt eingfoin is domois .
Vastaundn hots imma a jeda,
und worst net a gonz a Bleda,
host zruckgredt imma a recht gscheat,
und net long do umma great.
So woars hoit in der oidn Zeit
und mancherorts hearst as no heit.
Wann d‘Leid redn, wias es gelernt hom hoit,
eahna dabei nix obifoit.
Wers net vasteht, der hot hoit glocht
und für den wors a net docht.
Wal sowos lernan, is recht bled.
Des host im Bluat - oda a net!
DerPoet (11/19)
„STEIRERBLUAT" ist ein Gedicht aus der Kategorie Lustige Gedichte von Chris Peter, veröffentlicht am 28. März 2021 auf Gedichtesammlung.net.
© Chris Peter
Graz, Österreich
Hinweis: ALLE meine Gedichte werden hier mit einer Audiodatei auch zum Hören eingestellt!
Chris Peter (aka *DerPoet*)
geb. 1965 im steirischen Feldbach, lebt in der Nähe von Graz (Österreich…
Ähnliche Gedichte
ÄHNLICHE GEDICHTE
Veröffentliche deine eigenen Werke kostenlos und teile sie mit einer Gemeinschaft, die Poesie liebt — in nur wenigen Minuten.
Jetzt kostenlos veröffentlichen →Bitte melde dich an um zu kommentieren.
Anmelden-
Ewald Patz
Dichterlegende
11
-
Gudrun Nagel-Wiemer
Dichterlegende
4
-
René Oberholzer
Versschmied
2
-
Uschi R.
Meisterdichter
1
-
DIALEKTGRENZE
1346
-
SAUKÖLTN
1247
-
FEHLENDE DICHTKUNST
1046
-
DER STAU
977
-
TIERISCHES
960
-
STEIRERBLUAT
762
1 Kommentar