STAUBSAUGEREI

*Staubsaugerei*

I mog nun moi des Staubsaugn net;

do geht´s vüln gleich wie mia.

Wal wenn is selber möchten tät,

an Anfall krieg wie nia.

Des is da Grund - und der is triftig –

warum i a a Putzfrau hob,

beim Saugn, do wer i immer giftig.

Jo, des is gor ka Frog! 

Drum los is andre mochen,

da hob i donn mei Ruah.

Gibt eh vü andre Sochen

und irgendwann is gnua!      

Des Staubsaugen is net meins,

des tua i hoit net gern.

Verständnis hom d‘Leit keins

- i find des is zum Rean!

Doch in Grippe-Zeiten

muass i jetzt söba saugen,

do hüft ka umastreiten,

des tuat ma gor net taugen.

Vafluacht sei jedes Virus!

Die Putzfrau is daham

und i hob den Vadruß;

saug do so gonz allan.

Mir tät wos Anderes passen,

Fernschaun oder chillen.

Tät des echt gern lassen ,

denk i ma im Stillen.

Afoch den Staub vergessen

fänd i ehrlich nett.

Zerst  wos  Guades  essen,

und donn ins worme Bett.

Auch am Balkon wärs sicher gscheiter ,

doch davon geht der Staub net weg

- egal, ich saug jetzt nimmer weiter                    

und stöll des Ding ins Eck.

Is eh umsunst, sovü is gwiss,

der Staub, der kommt eh wieder :

Es is nunmoi wias is,

drum loss is jetzt und leg mich nieder! 

Danach geh i wos essen,

wal für die Leistung die ma bringt,

ists wirklich angemessen,

wen ma darauf a Bierchen trinkt!

Dabei hob is net eilig.

Und bliebt a bissl Schotter,

ich schwörs euch hoch und heilig

i kauf an Saug-Roboter!

DerPoet  (05/20)

                                           #Steirischer Dialekt

Bild: pixabay