MEHR FUASSBOI

*Mehr Fuaßboi*

Bei der WM in Amerika

spüln die Österreicher ah!

Noch ochtazwang Johr

wird da Traum endlich wohr.

Jetzt sitz ma daham

mit Freind und allan

um fünf in der fruah,

kriagn vom Fuaßboi net gnua.

Mitfiebern und gfrein;

mia zittan und schrein

mit unsere Hölden

wie sunst eher söltn.

Bier fließt an Haufen,

Chips muass ma kaufen,

Olle sans fokussiert,

wos im Kastl passiert.

Ois ondre is wurscht,

hauptsoch wos gengan Durscht.

Jo, da Fuaßboi verbindet

und da Olltog verschwindet.

Vielleicht wärs jo a Lehr,

wanns oilwal so wär:

Wenn Leit zsammen stehn,

stott aufeinnand los zu gehen.

Des Land moi zu einen,

anstott nur zu weinen,

wie schlecht ollas is.

I denk, sovü is gwiss!

Miteinand wos erreichen,

net die Segel glei streichen,

sondern gemeinsam moi rudern

anstott nur zu sudern.

A Beispül dran nehman

ois Mannschoft es stemman;

wos des Zsammenspüln bringt

und wenn gemeinsam man singt.

Des ergabert an Sinn,

so bringert mas hin,

in Frieden zu lebn:

Mehr Fuaßboi sollts gebn!

      DerPoet  (06/26)

Bild: pixabay