AUF KUR
*Auf Kur*
Jedes Joahr aufs Neiche
gfrei i mi wie a klaner Bua
im Gasteinertol auf‘d Kur;
a wenns immer is des Gleiche.
Siach die Berg durt und den Schnee,
die Arche, die durchs Dörferl rinnt,
ihrn Weg durch‘d Gegend find
und des find i afoch schee.
Gfrei mi on der frischen Luft,
am kloren Wossa, an die Bam;
es riacht onders ois daham.
Kurz gsogt, jo i mog den Duft.
Doch vor oim die Therapien
tuan am guat so üban Tog,
drum is klar, wenn i eich sog:
Sowos muass ma afoch liebn.
Liegst im hassen Radon-Wossa
a Viertelstund und döst dahin
oder einpockt bis zum Kinn
in worme Fatschen ois a Nossa.
Genehmigst dir dann a Massasch,
oda a Moorbod bis zum Hois;
und des wor no long net ois.
So mocht des Lebn richtig Spaß!
Gehst a bissl schwimmen, wandern,
ob und zua a weng trainiern,
müsst vor niemand di geniern.
hakkeln tuan dawal die andern.
Dazua kummt des guate Essen,
um des braucht ma si net schearn.
Na, do kannst di net beschwearn,
endlich amoi nix zum Stressen.
Die Ruah, ma geht früher ins Bett;
koa Hausholt, zamenraman, kochen;
ma braucht amoi gor nix mochen.
Des is immer wieder nett!
Rennst herum die gonze Zeit
im Bodemantel, angenehm,
Leiberl, Schlapfen gonz bequem;
glei so, wias di hoit grod gfreit.
Lernst kennan a poor nette Leit
zum Zsaumansitzen, Kortnspüln,
wos trinken gehen oda a chülln;
oba nur, wenn’s di a gefreit.
Jedenfois möcht is net missen,
die erholungsreiche Zeit.
Darum sog i eich a heit:
A Kur is supa, sollt ma wissen!
DerPoet (02/26)
*Steirischer #Dialekt
Grafik: KI (Meta AI)
„AUF KUR" ist ein Gedicht aus der Kategorie Alltag & Lebensmomente von Chris Peter, veröffentlicht am 17. November 2026 auf Gedichtesammlung.net.
© Chris Peter
Ähnliche Gedichte
ÄHNLICHE GEDICHTE
Werde kostenlos Mitglied: Lieblingsgedichte speichern, Autoren folgen, mitreden – und eigene Gedichte veröffentlichen. In unter einer Minute dabei.
❤️ Kostenlos Mitglied werden →Hat dich dieses Gedicht berührt?
Werde kostenlos Mitglied und sag dem Autor, was du empfindest – das dauert keine Minute.
Kostenlos registrierenSchon dabei? Jetzt anmelden
Kommentare
Noch keine Kommentare — schreibe den ersten!